Checkout

Xeer-Hoosaadka Hurbad.com

Boggaan waxaad kahelee xeerarka Hurbad oo qoraal ah. Fadlan akhriso si aad ufahamto

1. Beec Mahan! Koorsooyinka Kujira madasha Hurbad.com waxaa leh milkiyadooda Hurbad.com, ardaygu wuxuu xaq uleeyahay oo kaliya daawashada muuqaalada koorsada uu ka diiwaan gashanyahay gudaha website Hurbad.com ama Hurbad APP.
2. La Dagis Waa Mamnuuc! Koorsooyinka Hurbad waa Dalbo oo Daawo Durbadiiba ama (Streaming Only) Loomana Ogola in ardaygu lasoo dago muuqaalada koorsada, waxa kaliya oo la ogolyahay in lala soo dago waa Course Materials sida Slides ama softwares ka lasocda koorsada si aad ugu shubato computerka, ama aad usoo daabacato slides ama eBooks haduu lasocdo koorsada, sida badan koorsooyinka hurbad.com waa practical ama iTUS oo mawataan buug qoraal ah.
3. Hal Arday, Hal Account! Waxaan kaloo ardayga ogaysiinaynaa in aanan la ogolayn in la wadaago hal account. Hadii account kaaga aad ka gasho meel kale logout ayaa lagugu samaynayaa hadii la ogaado ama looga shakiyo in account kaas la wadaagayo waa laga saarayaa madasha Hurbad.com dignin la’aan. Waxaa shuruudaha kamid ah in uu ardaygu yahay mid baranaya koorsooyinka uu ka diwaan gashanyahay. Hadii uusan ahayn ardaygu mid baranaya koorsooyinka uu gadiwaan gashanyahay waa ay kaxirmayaan.
4. Hurbad Diploma!
   1. 4.1 – Diplomoyinka Hurbad waxaa baran kara arday diyaar u ah inuu qaadato dhamaan koorsooyinka ay ka koobantahay diplomadu iyo mudada loogu tala galay in lagu dhameeyo sugi kara. 
   2. 4.2 – Ardaygii Laga dareemo inuusan waxbarasho diyaar u ahayn ama waqti galiwaaya cashira ama laga dareemo fudayd, ama dagdag waa laga saarayaa diploma lacagtiisa waa loo celinayaa haduusan daawan laabo cutub wax kabadan ee koorsooyinka diplomada kamid ah, balse aduu koorso badan keed daawado lacag looma celinayo.
   3. 4.3 – Fee ga Diploma gorgortan magasho waa hormaris ama hadii aad bil bil u bixinayso iska hubi inaad kubixiso bilwalba 1 bisha ilaa 5 bisha inta udhaxaysa, ardaygii kadib dhaca 5 bsiha  waa laga saarayaa diploma ilaa ow jiro cudur daar lala ogyahay mooyee.
   4. 4.4. Fee ga Diploma celis malahan, hadii aad wada bixisay ama aad qayb bixisay.
   5. 4.5. Ardayga doonaya in cilad laga caawiyo waa inuu waqti gaar ah macalinka la balamo, si loogu soo xirmo computer kiisa, Waxaan adeegsan doonaa RustDesk si laguu caawiyo ee fadlan hubi in software kaas ay kuugu jirto computerkaaga. Tablet ama Mobile Phone kaliya  lama ogola in lagu barto koorsooyinka Diploma, waxaa shuruud ah inaad Laptop/Desktop Computer ah Google Chrome Browser aad adeegsato goorwalba ee ad soo gasho account kaaga, hadii aad adeegsanayso Hurbad APP fadlan hubi inaad browser login ka tahay APP ka marka aad Offilne ahaan uga daawanayso koorsada aad  baranayso.
   6. 4.6. eWaxbarasho+ waa koorsooyin Muuqaalo ah oo wata macalin kula xisaabtamaya. mahan macalin si fogaan arag ah wax kuubaraya ama fasal online.
   7. 4.7. Adayga dhiganaya Diploma waa inuu raacaa talada macalinka oo asagu ma tashan karo oo barana karo koorsada oon doono.
   8. 4.8 Ardaygii Looga shakiyo kuna cadaato inuusan raacaynin wadada macalinku ujideeyay waa laga saarayaa Diploma.
   9. 4.9 – Ardaygii Xiriir kiisa lawaayo ama WhatsAPP ka Fariimaha loogu diray kasoo jawaabi waaya mudo 7 maalin ah waa laga saarayaa Diplomada, sidoo kale mudada laguu qabtay inaad kusoo dhamayso koorsada hadii aad kusoo dhamayn wayso ama aad kusoo mugdib wayso projects ka ama hab-raac guud ee koorsada waa laga saarayaa diploma digniin la’aan. ilaa ow keeno cudur daar la aqbali karo mooyee.
5. eWaxbarasho Macalin Malahan! Waxaan kaloo ardayga ogaysiinaynaa in waxbarashada madasha Hurbad.com uu bixiyo waa mid ah muuqaalo iyo qoraal ardayda uu iskiis isku barayo asagoo raacaya tilmaamaha muuqaalka, mana lahan meel loola laabto wixii suaal ah ama caawin ah ee ardaygu baro, maxaa yeelay maahan fasal fogaan arag ah eWaxbarashada ee waa iska wax iskubar, hadii wax ugu adkaadaana iskaa uraadso, balse waxaa jiraa caawin guud oo ah qaabka adeegsiga madasha Hurbad.com ama sida loo barto koorsada ama software ama lab ka koorsda hadii error kaaga soo baxo waa lagaa caawinayaa, balse majirto ma fahmine macalinka aan Waco si uu iifahamsiiyo cashirka.
6. Qiimaha! Qiimaha koorsooyinka kujira madasha hurbad.com waa is badali karaan xili walba, go’aan kaasna waa mid ugaar ah maamulka Hurbad.com.
7. Halmar Dalbo, Waligaana Daawo! Dhamaan koorsooyin kujira madasha Hurbad.com waa halmar dalbo, waligaana daawo, balse Shuruud ayaa kuxiran oo ah hadii koorsda aad baranayso ay leedahay Mudo-xileed oo ah badanaa 3-4 sano inta udhaxaysa, marka ay muda koorsda dhamaanto oo aana lagali Karin imtixaankeeda oo ay howlgab noqoto ama waa koorso aan lahayn imtixaan balse Cilad farsamo ay kusoo baxdo waa laga saarayaa madasha Hurbad.com qaybta isdiiwaan galinta balse ardaygii horay uga diiwaan gashnaa waa ay ugu jiraysaa accountkiisa My Courses mana kabaxayso insha allah.
8. Coupon Codes! Waxaa lagu adeegsan karaa hal account , halmar oo kaliya.
9. Hurbad Teams+! waxaa kaliya ee aga iibinaa waa shirkad ama jaamcamad, shaqsi ama koox lagama ibinayo.
10. Koorso Badalis! Waxaa laguu badali karaa koorso hadii aadan daawan 5 cashir iyo mudada aad iibsatayna aysan dhaafin 14 maalin.
11. Xogtaada! Maamulka Hurbad wuxuu ogaysiinayaa in ardayga ka diiwaan gashan madasha Hurbad.com, in uu xaq uleeyahay in xogtiisa loo asturo hadii ow doonana inuu katidhikaro xogtiisa madasha Hurbad.com, Hurbad waxay balan qaadaysaa in aysan lawadaagayn xogta ardayga shakhsi ama shirkad kale, xogta ardayga waa amaano waana asturaynaa insha llah.
12. Xuquuqul Insaan! Hurbad waa madal eWaxbarasho oo la jaanqaadaysa sharciyada dunida udagsan ee ku aadan dhanka xuquuqul insaanka, Hurbad waxay utaagantahay hormarinta bulshada afsomaliga kuhadasha sida ay uga haqab tidhi lahayd baahidooda ku aadan barashada aalada computerka sidaas darteed waxaan Hurbad kusoo dhawaynaynaa dhamaan ardayda doonaysa ewaxbarasho ee kusalaysan sinaan, calaadad, afgarad, dulqaad, naxariis.
13. Faahfaahin! Hadii ay jiraan wax suaal ah ood ka qabto qodobada kor kuxusan fadlan nagala soo xariir WhatsAPP +252615070785 ama Email noogu soo dir: [email protected].